 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Падаю ў бездань
і падаю ў неба...
Прымаю ў падарунак
твайго сіняга насарога
і адпускаю гуляць далей
па снох Беларусі.
А табе выпякаю тры пірагі:
з чарамі – каб жыцьцё віравала,
з мохам – каб не баяўся нябыту,
з чаромхаю –
каб сны былі, як дзеці, прыгожыя...
Ты пакідаеш
па кавалку ад кожнага пірага
для сіняга насарога,
і ён зьлізвае апошні з тваёй далоні
разам зь лініяй лёсу.
І я засталася б адна
разам з чарамі, мохам, чаромхаю,
ды сіні насарог
сьцінае мой сон
сваім рогатам...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
